Дома Македонија Утре е Тодорова сабота или Тодорица, ова треба да го направите

Утре е Тодорова сабота или Тодорица, ова треба да го направите

334
0
АКЦИЈА

Тодорова сабота е празник посветен на Светиот Великомаченик Теодор Тирон, кој настрадал во прогоните на христијаните од страна на римскиот цар Максимилијан. Овој ден се празнува во спомен на едно чудо што го направил св. Теодор Тирон околу 50 години по неговото заминување.

Имено, еднаш, непосредно пред почетокот на велигденскиот пост, византискиот цар Јулијан Отстапникот сакал да им напакости на христијаните и наредил храната што се продавала по пазарите да се испрска со крвта на жртвите што им се принесувале на римските идоли.

Меѓутоа, св. Теодор Тирон на јаве му се појавил на цариградскиот патријарх и му кажал да им забрани на христијаните да купуваат храна од пазарите, зашто таа ќе биде осквернавена со крв и наместо тоа, цела недела да јадат пченица со мед.

Патријархот така постапил и христијанските верници отанале неиспоганети пред нивниот најголем празник. Во спомен на овој настан, првата сабота од велигденските пости е наречена Тодорова сабота.

На овој ден се вари пченица во која се додава малку мед и оние кои постат задолжително јадат од тоа.

Именден празнуваат: Тодор, Тодорка, Божидар (доаѓа од Тео-Бог и дар)

ОСТАВЕТЕ ОДГОВОР

Please enter your comment!
Please enter your name here